Mużajk - Magħqudin fid-Diversità
- Aġġornata l-aħħar: 28/11/2023
L-Għanijiet:
L-għanijiet ewlenin ta’ din l-inizjattiva kienu li:- jiġu indirizzati l-beżgħat u l-kunċetti żbaljati dwar id-diskriminazzjoni;
- titqajjem kuxjenza dwar id-diskriminazzjoni u l-effetti negattivi tagħha fuq individwi u s-soċjetà ġenerali;
- tiġi organizzata kampanja dwar il-promozzjoni tal-ugwaljanza u n-nondiskriminazzjoni li tkopri s-sitt oqsma rikonoxxuti tan-nondiskriminazzjoni;
- tinħoloq pjattaforma tal-ugwaljanza sabiex issaħħaħ l-effett tal-mekkaniżmi li jilħqu l-imsieħba differenti ta’ dan il-proġett u tgħinhom jilħqu udjenzi akbar waqt li fl-istess ħin tnaqqas ix-xogħol doppju u żżid il-koperazzjoni bejn organizzazzjonijiet differenti.
- ikun hemm effett multiplikatur li jinħoloq permezz tas-sessjonijiet għal min iħarreġ, organizzati dwar il-prinċipju tan-nondiskriminazzjoni u d-dritt għall-ugwaljanza għal kulħadd.
It-Taħriġ:
- Ġie pprovdut taħriġ għat-tisħiħ tal-kapaċitajiet għall-membri tan-netwerk tal-Mużajk fuq kull wieħed mis-sitt oqsma ta’ diskriminazzjoni.
- Ħarreġ lil min Iħarreġ għall-Korpi Governattivi tal-Ugwaljanza, Maniġers responsabbli mir-Riżorsi Umani u l-pubbliku ġenerali li ġew imħarrġa dwar is-sitt oqsma ta’ diskriminazzjoni.
It-Tkabbir tal- Għarfien:
- Labelling People Hurts kienet it-tema tal-kampanja għall-promozzjoni tan-nondiskriminazzjoni fil-ġżejjer Maltin. Din il-kampanja inkludiet kampanja fuq billboards, Avviżi ta’ Servizz Pubbliku fuq it-TV u r-Radju, riklami fuq gazzetti, posters u stickers:
- Diversity Days kienet opportunità li qajmet kuxjenza fuq ir-raġunijiet ta’ diskriminazzjoni.
- Ġie organizzat Film Festival dwar Opportunitajiet Indqas biex jiċċelebra Jum id-Drittijiet tal-Bniedem b’ġimgħa wiri ta’ films. Kull film enfasizza qasam speċifiku ta’ diskriminazzjoni.
- Forum theatre daħal fl-iskejjel f’Malta u pprovda reċti interattivi u attivitajiet għal studenti fil-Form1 u Form2.
Pubblikazzjonijiet:
Isem tal-Proġett | Mużajk – Magħqudin fid-Diversità |
Fondi | Proġett kofinanzjat mill-Kummissjoni Ewropea Permezz tas-Sena Ewropea ta’ Opportunitajiet Indaqs għal Kulħadd 2007 |
Data tal-Bidu | Mejju 2007 |
Data tat-Tmiem | Diċembru 2007 |
Imsieħba | Commissioner for Children’s Office Netwerk Ewropew Kontra r-Razziżmu Il-Konfederazzjoni Maltija tal-Organizzazzjonijiet tan-Nisa Il-Konfederazzjoni Maltija tal-Organizzazzjoni ta’ Persuni b’Diżabbiltà Malta Gay Rights Movement Il-Kunsill Nazzjonali tal-Anzjani Il-Kunsill Nazzjonali tan-Nisa Il-Kunsill Nazzjonali taż-Żgħażagħ Ċentru Nazzjonali ta’ Informazzjoni għaż-Żgħażagħ |